Գիտե՞ք, որ երեխայի ուղեղի 80 տոկոսը ձևավորվում է մինչ նրա 3 տարեկանը: Յուրաքանչյուր համբույրով ու գրկախառնությամբ, յուրաքանչյուր չափաբաժին առողջ սննդով ու խաղով դուք նպաստում եք ձեր երեխայի ուղեղի զարգացմանը: 

Յուրաքանչյուր 5 րոպեն մեկ աշխարհում բռնության հետևանքով երեխա է մահանում: Հայաստանում 1-14 տարեկան երեխաների 70 տոկոսը ենթարկվել է հոգեբանական կամ ֆիզիկական որևէ պատժի: Դժբախտաբար այս ամենը խորը հետք է թողնում երեխաների հետագա ողջ կյանքի վրա:

Ծնող լինելը հեշտ բան չէ: Ագրեսիվ պահվածք, տարիքային ճգնաժամեր, սուտ խոսել, քույրերի ու եղբայրների միջև մրցակցություն, կամակորություն, մանկական վախեր: Այս և այլ վարքային խնդիրների ու դրանց հնարավոր լուծումների մասին կարող եք կարդալ այս բաժնում: 

Խաղը երեխայի հիմնական զբաղմունքն է, աշխարհաճանաչողության նրա հիմնական գործիքը: Խաղի արդյունքում զարգանում են երեխայի մտավոր, ֆիզիկական, սոցիալական և զգայական ոլորտները, ակտիվանում է երևակայությունը: Խաղից է կախված, թե ինչ հմտություններով կզինվեն երեխաները, թե ինչպիսի մարդ կդառնան նրանք ու թե ինչպիսի աշխարհ կկերտեն վաղը: Ուրեմն, եկե՛ք խաղանք: