Կրծքով սնուցում
Կյանքի առաջին վեց ամիսների ընթացքում երեխային բացառապես կրծքով կերակրե'ք: Այդ ժամանակահատվածում կրծքի կաթն այն ամենն է, ինչի կարիքն ունի երեխան, և պետք չէ նրան լրացուցիչ ջուր, սամիթի ջուր, թեյ, հյութեր կամ այլ հեղուկներ տալ, նույնիսկ շոգ եղանակին՝ պայմանով, որ նա հաճախ և ըստ պահանջի է կերակրվում:
Կրծքով կերակրումը կարևոր է
- Լավագույն սնունդն է մանկան համար:
- Նպաստում է երեխայի մտավոր զարգացմանը:
- Պաշտպանում է մանկանը վարակներից և հիվանդություններից:
- Նպաստում է մոր և մանկան միջև մտերմիկ, հուզական կապի և սիրո առաջացմանը:
- Նվազեցնում է հետագայում քրոնիկ հիվանդությունների զարգացման հավանականությունը:
- Նվազեցնում է մոր նոր, անցանկալի հղիության հավանականությունը:
- Նվազեցնում է մոր կրծքագեղձերի և ձվարանների քաղցկեղով, սակավարյունությամբ, ոսկրերի դյուրաբեկությամբ հիվանդանալու հավանականությունը:
- Կրծքի կաթը անփոխարինելի լիարժեք սնունդ է երեխայի համար. այն պարունակում է երեխայի աճի ու զարգացման համար անհրաժեշտ բոլոր սննդարար նյութերը:
- Մինչև 6 ամսականը բացառապես կրծքով սնուցումը լիովին ապահովում է երեխայի բոլոր սննդային պահանջները, այդ թվում ջրի պահանջը՝ նույնիսկ շոգ եղանակին:
- Օգնում է մորը արագ վերականգնելու իր նախկին մարմնակազմությունը:
Սնուցում
Հղիության ընթացքում ձեր ապրելակերպը, սովորություններն ու սնուցումը շատ կարևոր են ձեր և ձեր ապագա երեխայի առողջության համար:
Կյանքի առաջին վեց ամիսների ընթացքում երեխային բացառապես կրծքով կերակրե'ք: Այդ ժամանակահատվածում կրծքի կաթն այն ամենն է, ինչի կարիքն ունի երեխան, և պետք չէ նրան լրացուցիչ ջուր, սամիթի ջուր, թեյ, հյութեր կամ այլ հեղուկներ տալ, նույնիսկ շոգ եղանակին՝ պայմանով, որ նա հաճախ և ըստ պահանջի է կերակրվում:
Հայաստանում մինչև 6 ամսական երեխաների միայն 45%-ն է բացառապես կրծքով կերակրվում: Կրծքի կաթը լավագույն սնունդն է փոքրիկի համար, և դժվարությունները հաղթահարելու դեպքում, կրծքով կերակրումը ձեզ և ձեր սիրելի փոքրիկի համար հաճելի և անփոխարինելի զբաղմունք կդառնա:
Հավելյալ սնուցումը պետք է սկսել երեխայի վեց ամսականը լրանալուն պես: Ի դեպ, յուրաքանչյուր ճաշի 75 տոկոսն ուղղվում է երեխայի ուղեղի կազմավորմանը: Այնպես որ հավելյալ սնուցման առողջ ու անվտանգ լինելն անասելի կարևոր է:
Առաջին հավելյալ սնունդը պետք է լինի համասեռ և մեղմ համ ունենա, բայց երբ երեխան սովորում է գդալով ուտել, խորհուրդ է տրվում նրան ամենատարբեր համեր ունեցող սննդատեսակներ տալ: