Գերադասելի է երեխային ամեն անգամ թարմ պատրաստված սնունդ տալ

Կրծքով կերակրելը շարունակում է մնալ ձեր երեխայի համար սննդի կենսական աղբյուր: Բայց դա ինքնին բավարար չէ:

Ձեր երեխայի միտքն ու մարմինը «լիցքավորեք» այս արագ, սննդարար և մատչելի բաղադրատոմսի օգնությամբ:

Հավելյալ սնունդը երեխային պետք է ապահովի բավարար էներգիայով, սպիտակուցներով, հանքային աղերով և վիտամիններով: Հատիկեղենը, շիլաներն ու կարտոֆիլը հավելյալ սննդի հիմքն են և էներգիայի լավ աղբյուրներ, սակայն միայն բուսական սննդատեսակները չեն կարող ապահովել վաղ հասակի երեխայի բոլոր սննդային պահանջները: Կենդանական ծագման սննդատեսակներից միսը, թռչնամիսը, ձուկն ու կենդանիների օրգանները սպիտակուցների, երկաթի և ցինկի լավագույն աղբյուրներն են, իսկ կաթնամթերքը հարուստ է սպիտակուցներով, կալցիումով և վիտամին A-ով: