Ինչպես ճիշտ վարվել երեխայի հետ
Բնությունը հոգացել է, որ երեխայի ծնունդի հետ ապահովվի նաև նրա սնունդը։ Մոր կրծքերը սկսում են արտադրել կաթնախեժ, որը ոչ միայն հագեցնում է երեխայի քաղցը, այլ նաև պաշտպանում է նրան ամենատարբեր հիվանդություններից` ապահովելով կյանքի լավագույն սկիզբ:
Խորհուրդ է տրվում՝
Կրծքով սնուցումը սկսել հետծննդյան առաջին ժամվա ընթացքում` ապահովելով մաշկը մաշկին շփում առնվազն կեսից մեկ ժամվա ընթացքում։Երեխային կերակրել ըստ նրա պահանջի` այնքան հաճախ և այնքան երկար, որքան նա ցանկանում է, լինի գիշեր, թե ցերեկ։
Կյանքի առաջին վեց ամիսների (180 օր) ընթացքում երեխային բացառապես կրծքով կերակրել և չտալ նրան որևէ այլ սնունդ կամ հեղուկ, այդ թվում՝ ջուր, սամիթի ջուր, թեյ, հյութեր կամ այլ հեղուկներ, նույնիսկ շոգ եղանակին պայմանով, որ նա հաճախ և ըստ պահանջի է կերակրվում։ Շարունակել կրծքով սնուցումը մինչև երեխայի երկու տարին լրանալը կամ ավելի երկար՝ վեց ամսական հասակից երեխային տալով նաև համապատասխան, անվտանգ հավելյալ սնունդ։
Սնուցում
Հղիության ընթացքում ձեր ապրելակերպը, սովորություններն ու սնուցումը շատ կարևոր են ձեր և ձեր ապագա երեխայի առողջության համար:
Բնությունը հոգացել է, որ երեխայի ծնունդի հետ ապահովվի նաև նրա սնունդը։ Մոր կրծքերը սկսում են արտադրել կաթնախեժ, որը ոչ միայն հագեցնում է երեխայի քաղցը, այլ նաև պաշտպանում է նրան ամենատարբեր հիվանդություններից` ապահովելով կյանքի լավագույն սկիզբ:
Կրծքի կաթը լավագույն սնունդն է փոքրիկի համար, և, դժվարությունները հաղթահարելու դեպքում, կրծքով կերակրումը Ձեզ և Ձեր սիրելի փոքրիկի համար հաճելի և անփոխարինելի զբաղմունք կդառնա:
Հավելյալ սնուցումը պետք է սկսել երեխայի վեց ամսականը լրանալուն պես: Ի դեպ, յուրաքանչյուր ճաշի 75 տոկոսն ուղղվում է երեխայի ուղեղի կազմավորմանը: Այնպես որ հավելյալ սնուցման առողջ ու անվտանգ լինելն անասելի կարևոր է:
Առաջին հավելյալ սնունդը պետք է լինի համասեռ և մեղմ համ ունենա, բայց երբ երեխան սովորում է գդալով ուտել, խորհուրդ է տրվում նրան ամենատարբեր համեր ունեցող սննդատեսակներ տալ: